ಪ್ರೀತಿಯ ನಗು

ಆದಿನ ಕಾಣದೆ ಹೋದೆ ಈ ಪ್ರೀತಿಯ ,ಬೆಳದಿಂಗಳ ರಾತ್ರಿಯಲಿ
ಆದರೂ ಹುಡುಕಿದೆ ನಾನಿನ್ನ, ಮನದಂಗಳದಲಿ.

ಎಂದಾದರೂ ನಿ ಬಂದು ನನ್ನ ಸೇರುವೆ ಎಂಬ ಆಸೆಯಲಿ
ಕಾದಿದ್ದೆ ನಾ ರಾತ್ರಿ ಹಗಲಲ್ಲಿ,
ಆದರೆ ನೀ ಬರಲಿಲ್ಲ, ಆಸೆ ಕೈಗೂಡಲಿಲ್ಲ,
ಪ್ರೀತಿಯಲಿ ನಾ ತೇಲಲಿಲ್ಲ, ದು:ಖದಲಿ ನಾ ಅತ್ತೇನಲ್ಲ.

ಮರುದಿನ ಆ ಬೆಳಗಿನ ಹೊಸ ಕಿರಣ ಬಂದು,
ನನ್ನ ಮನದ ಕದವ ತಟ್ಟಿದಾಗ,
ಹೊಸ ಆಸೆಯು ಚಿಗುರಿ,ಬಾಗಿಲ ಬಳಿ ನಿಂತಾಗ ನೀ ಬರಲಿಲ್ಲ,
ಮನವೆಂಬ ಹೂ,ಭ್ರಮರಕ್ಕಾಗಿ ದು:ಖಿಸಿತ್ತಲ್ಲ.

ಹೂ ಮುದುಡುವ ಸಮಯದಲಿ ,ಬಂದೆ ನೀ ಅಲ್ಲಿ
ಆಸೆಯೂ ಚಿಗುರಿತು ,ಮತ್ತೆ ಹೂ ಅರಳಿತು.
ನೀ ಪ್ರೀತಿಯ ನಗೂ ಚೆಲ್ಲಿದಾಗ , ಮನವೂ ಹೇಳಿತಾಗ
ಈ ಒಂದು ನಗುವಿಗಲ್ಲವೇ, ನೀ ಹಗಲಿರುಳು ಕಾದ್ದಿದ್ದೆಯಲ್ಲ.